NI MITSILNAMIKI

______________________________________
kema ta tiasiko niyolpaki
uan nojkia ya niyoloitonki
pampa tinesiyaya neltipilyeyejtsi
yeka ya mopatlak nochi noxayak.

nochi ni pakilistli istoya nomajko
pampa to nojkia tinechnekiyaya
uan nikijkuilojki se kuikalistli
pampa kej se xochitl tiixnesiyaya.

axtleno tinechluijki tinechkaajtejki
yeka kema niuika na nichoka
kema na niuika nimtsilnamiki
uan nojkia moixayo yeka kisa.

nama ya paanojka miyak xiuitl
nimoyoluiyaya ya nimitsilkajki
kema ni kixtlapojki se amochtli
nimotemajmati pampa tiixneski.

kema na niuika nimitsilnamiki
uan nojkia noixayo, yekaa kisa
yeka kema ni uika na nichoka
pompa no pilyolo amo mitsilkaua
pompa no pilyolo amo mitsilkaua.